Hoxe, martes 28 de Xuño de 2016, unha delegación da coordinadora da plataforma reunímosnos co Alcalde de Gondomar, Francisco Ferreira e ca concelleira de infraestructuras, para abordar o problema de contaminación da Foz no tocante a Gondomar. Esta é a rimeira das tres roldas que temos e teremos cos tres alcaldes do Val Miñor para seguir a traballar a prol dunha Foz do Miñor rexenerada e limpa!
En breve daremos máis información.
Este sábado celebramos a Asemblea Xeral da plataforma para informar dos últimos avances nas xestións da coordinadora e para acordar o calendario de actuacións que serán desenvolvidas nos vindeiros meses.
Informouse da xuntanza mantida coas entidades políticas do Val Miñor de cara á presentación dunha moción na mancomunidade do Val Miñor que será tratada na vindeira xuntanza ordinaria.
Tamén expúxose a información sobre a xuntanza mantida por membros das coordinadora co director de augas de Galicia, onde trataron o tema extensamente e reclamaron información puntual da situación actual relativa á contaminación da Foz. dende augas de galicia incidiuse nas obras non rematadas do colector e tanque de tormentas en Gondomar e en que a depuradora funciona perfectamente, conclusións non coincidentes co estado da Foz que vemos todos os días. Quedaron pendentes de enviar uns técnicos a revisar con membros da plataforma a situación in situ.
Informouse do verquido acontecido do día 14 de maio e insistiuse no protocolo de actuación no caso de que algún aprticular detecte un verquido, avisando inmediatemante ao 112 para a posta en marcha do protocolo de actuación, Tamén sería necesario que a plataforma tivera coñecmento dos feitos para elabroar un catálogo de verquidos co posterior seguimento.
O debate máis extenso foi o relativo ás dievrsas activdiades a realizar entre as que se atopan xuntanzas co reitoe cos alcaldes para dar a coñecer a plataforma e recabar infortmación sobre o saneamento de cada un dos territorios e a súa influencia na Foz. Actividades de difusión, roteiros, xornadas técnicas, mobilizacións e mesmo iniciativas xurídicas serán estudadas proximamente para o seu desenvolvemento.
Incidiuse especialmente nos vindeiros procesos electorais pois é momento de enviar inciaitivas e propostas comncretas ás entdiades políticas para que sexan recollidas nos seus programas.
Seguiremos informando e traballando!!!
Plataforma pola Protección da Foz do Miñor 